IV kategoria – uczniowie szkół średnich i branżowych

moderator
moderator
Filmów: 352

Zaloguj się by dodać
do ulubionych
5
   

 średnia: 0  głosów: 0

Je zrobióny: poniedziałek, 31, styczeń 2022 08:20

Odsłony: 533

Prezentujemy nagranie, które wysłuchali uczestnicy XX Dyktanda Kaszubskiego „Piszã pò kaszëbskù - Królewiónka w pałacu" startujący w kategorii IV (szkoły średnie i branżowe).
Wstęp: Wanda Lew-Kiedrowska
Lektorka: Magdalena Kropidłowska

TEKST: Historiã Kaszëbów piselë Kaszëbi

Jakno pierszi historiã Kaszëbów napisôł Aleksander Majkòwsczi, znóny dzejôrz, lékôrz i pisôrz. Zaczął jesz przed wòjną swiatową, a skùńcził w midzëwòjnowim dwadzescelecym. Ksążka ùkôzała sã w całoscë dopiérze pò jegò smiercë w 1938 rokù. Doktor Majkòwsczi òpisôł dzeje całi Słowianiznë nad Bôłtã i w łączbie z Pòlôchama jakno Lechitama i Lechią, do chtërny nôleżałë wszëtczé słowiańsczé zrzesze. Przedstawił òbrôz dzejów Kaszëbów, Pòmòrzón zwónëch téż przez niegò Weletama, mieszkającëch òd Wisłë na wschòdze jaż do Pianë na zôchòdze. Pòmnikòwim dokazã je „Historia Kaszubów w dziejach Pomorza”. Ùsôdzcą pierszégò tomù i kòncepcji całoscë béł Gerat Labùda, nôwikszi historik westrzód dzysdniowëch pòlsczich mediewistów. Labùda scwierdzywôł, że historiô Kaszëbów, to kawle kaszëbsczégò lëdu na jegò historiczno zmieniwnym jãzëkòwim òbrëmim. I wedle taczégò pòzdrzatkù na dzeje spòlëznë ùdbã profesora zjiscëlë jiny badérowie-Kaszëbi, aùtorzë pòstãpnëch tomów: Zygmùnt Szultka, Józef Bòrzëszkòwsczi i Cezari Òbracht-Prondzyńsczi. Pùblikacjô òsta wëdónô przez Institut Kaszëbsczi w 2019 rokù.

Zaloguj się, aby komentować.


Copyright © 2024 Wirtualne Kaszuby. Wszelczé prawa są zastrzegłi.

Projekt òstôł zrealizowóny dzãka dëtkóm Minystra Administracji i Cyfrizacji